Авлигын эсрэг хуулиар Ё.Отгонбаяр болон С.Баярцогт нарт яг ижил арга хэмжээ авах ёстой
УИХ-ын гишүүдийн гадаад, дотоодод нуусан данс нь илэрч шуугиан тарьж байгаа. С.Баярцогт нэг данс мартсан бол Ё.Отгонбаяр 15 данс мартжээ. Нэг данс мартсаныхаа төлөөсөнд С.Баярцогт УИХ-ын дэд даргын суудлаа өгсөн бол 15 данс мартсан Ё.Отгонбаярт ямар арга хэмжээ авахаа УИХ-ын дарга мэдэхгүй гайхширч сууна.
Авлигын эсрэг хуулиар бол Ё.Отгонбаяр болон С.Баярцогт нарт яг ижил арга хэмжээ авах ёстой. Хөрөнгө орлогын мэдүүлэгт зөвхөн өөрийнхөө дансыг бус эхнэрийн¬хээ хөрөнгө, орлого болон банкны бүх дансыг мэдүүлэх үүрэгтэй байдаг. Ар гэрийнхнийхээ дансыг мэдүүлэгтээ дутуу бичнэ гэдэг нь С.Баярцогт дансаа мартсантай яг ижил нөхцөл байдалд хүрч, ажлаас халагдах зөрчил рүү шууд орж байгаа ч Үндсэн хуулиар УИХ-ын гишүүнийг ажлаас халах эрх хэнд ч байхгүй.
Тиймээс С.Баярцогт УИХ-ын дэд даргын суудлаа өгсөн ч УИХ-ын гишүүнтэйгээ үлдсэн. Харин Ё.Отгонбаяр гишүүн Хөрөнгө орлогын мэдүүл¬гээ дутуу бөглөсөн тул ажлаас халагдах арга хэмжээтэй авагдах учиртай болохоор С.Баярцогт шиг элдэв сэтэрнээсээ нэгийг мулзлуулах байх. Жишээ нь Булган аймгийн нутгийн зөвлөлийн дарга ч юм уу.